Disa njerëz ndihen në parehati kur skuqen, sepse ata besojnë se ky reagim i trupit të tyre i bën ata të duken të turpshëm dhe të pasigurtë. Megjithatë, realiteti është shumë më ndryshe, sepse skuqja në fytyrë mund të na bëjë të dukemi më të sinqertë dhe të besueshëm për njerëzit e tjerë.
Ne do të donim t’ju tregonim përse skuqja në fytyrë nuk është një shenjë e dobësisë, siç mendonin shumë veta.
Njerëzit janë të vetmit që skuqen.
Njerëzit janë të vetmet lloje që skuqen, sipas gjetjeve të Darvinit. Pas vëzhgimit të gjesteve të majmunëve, gjatë kryerjes së studimeve të tij mbi evolucionin – ai e cilësoi këtë reagim si “më të veçantin dhe më njerëzorin e të gjitha reagimeve”, që ndoshta ndodh për shkak të një mekanizmi mbrojtës social që njerëzit krijojnë kundrejt ndjenjave të tilla si faji apo turpi .
Kjo ju bën më tërheqës për seksin e kundërt.
E vërteta është se, edhe pse mund të jetë një mekanizëm mbrojtës social që shfaq sikletin tonë, ne jemi më tërheqës kur faqet tona fillojnë të bëhen rozë.
Ky gjest pasqyron pakëz ndjeshmëri, dhe për këtë arsye, gjithashtu krijon një ndjenjë intime që është tërheqëse për seksin e kundërt. Përveç kësaj, na bën të dukemi rrezatuee, dhe kjo është arsyeja pse, kur vendosim makijazh, ne aplikojmë pluhur rozë në faqet tona.
Njerëzit që skuqen në fytyrë janë më të besueshëm.
Sipas një studimi që është botuar në Gazetën e Personalitetit dhe Psikologjisë Sociale, njerëzit që skuqen lehtë në fytyrë janë njerëz që konsiderohen të besueshëm dhe më bujarë, krahasuar me ata që nuk reagojnë në të njëjtën mënyrë.
Studiuesit e këtij studimi pohojnë gjithashtu se forma të tjera të shprehjes së moderuar të sikleteve dhe cenueshmërisë sociale janë shenja të vërteta të virtytit, pasi nuk është e mundur t’i riprodhoni këto reagime vullnetarisht.
Gjeste të tjera që zbulojnë gjendjen tonë emocionale
Në një sërë eksperimentesh, 60 studentë të kolegjit u regjistruan në një video që tregonte momente të turpshme. Rezultatet treguan se skuqja gjeneron besim tek njerëzit e tjerë dhe kjo është arsyeja pse ne nuk duhet të përpiqemi ta fshehim.
Ky hetim përfshin njerëz që reagojnë me gjeste si një vështrim në rënie, mbulimi i fytyrës me duar, =e qeshura pa dëshirë dhe turpërimi edhe me provokimin më të vogël.
Pse ne skuqemi kur ndihemi të zënë ngushtë
Fytyra jonë bëhet e kuqe sepse kur jemi në një situatë të turpshme, trupi lëshon adrenalinë, gjë që shkakton skuqjen e lëkurës, pasi rrit rrjedhjen e gjakut në enët e gjakut.
Ky proces është i lidhur me sistemin nervor simpatik dhe për këtë arsye nuk mund ta kontrollojmë atë. Ne gjithashtu mund të ndjejmë që srrahjet e zemrës tonë shpejtohen, frymëmarrja jonë rrit frekuencën e saj dhe disa njerëz mund edhe të fillojnë të djersiten.
Kur është fjala për të skuqjen në fytyrë, është e pamundur të gënjesh.
Skuqja është diçka që ne, qeniet njerëzore, nuk jemi në gjendje ta shmangim. Është një grup i funksioneve trupore të pavullnetshme që lëshohen kur ne jemi të ekspozuar ndaj një situate që na zë ngushtë, edhe pse jo gjithmonë në një mënyrë të pakëndshme.
Por gjithmonë tregon se diçka ka rëndësi për ne dhe se, nëse kemi bërë diçka të gabuar, ne kemi dëshirën për ta rregulluar atë. Për shkak të kësaj, ky reagim lidhet me ndershmërinë. Pra, nëse e shihni partnerin tuaj të skuqet në fytyrë, ju duhet t’i besoni asaj që po ju shohin sytë.
A skuqeni në fytyrë shumë shpesh? A e shikoni këtë si diçka të turpshme apo kjo gjl nuk ju shqetëson dhe aq? Do të donim të dëgjonim mendimet tuaja në seksionin e komenteve më poshtë.
