Është e lehtë të tërhiqesh romantikisht në një marrëdhënie të re. Por kur entuziazmi shuhet dhe faza e muajit të mjaltit ka mbaruar, mund të dalloni shenjat nëse një lidhje do të funksionojë për një kohë të gjatë.

Ju gjithashtu mund të bëheni të vetëdijshme për disa sinjale të kuqe që një marrëdhënie nuk do të zgjasë.

Shenjat e një ndarjeje në të ardhmen janë të shumta, por shumica e njerëzve nuk e kuptojnë se si duken këto shenja në sythin e tyre. Pra, ne duam t’ju ofrojmë disa perspektiva për t’i parë, të cilat lajmërojnë për një të lidhje të palumtur e që nuk do të zgjasë.

“Gjeni forcën brenda vetes për të vlerësuar më shumë meritat tuaja sesa të qëndroni me dikë që nuk ju vlerëson”. – Anonim

Nuk flisni për të ardhmen tuaj së bashku

Një nga shenjat e marrëdhënies që nuk funksionon më është nëse keni dalë në takime prej disa kohësh, por nuk keni folur për të ardhmen tuaj. Për shembull, nëse keni jetuar së bashku për 18 muaj, por partneri juaj refuzon të diskutojë për martesën, mund të jetë një sinjal i kuq i madh. A e ka të vështirë të komunikojë siç duhet, apo në të vërtetë nuk sheh ndonjë të ardhme me ju?

Marrëdhënia juaj ka në bazë vetëm pasionin

Pasioni ju ka sjellë së bashku si çift, por çfarë ndodh kur kjo të keqësohet? Nëse nuk keni provuar një lidhje të fortë në fusha të tjera, atëherë nuk do të bëhet afatgjatë. Që një marrëdhënie e re të lulëzojë, duhet të shkojë përtej lidhjes fizike.

Ju gjithashtu duhet të jeni të lidhur emocionalisht dhe mendërisht. Pra, nëse mendoni se jeni në këtë së bashku vetëm prej pasionit, ndoshta është më mirë të përfundoni marrëdhënien sepse kjo lloj lidhje nuk do të zgjasë shumë.

Nuk ka sinqeritet dhe as transparencë

Marrëdhëniet e pjekura lejojnë që partnerët të jenë të afërt dhe të hapur me njëri-tjetrin për shkak të nivelit të tyre të intimitetit. Bëhet një problem i madh kur i fshehni gjëra partnerit ose kur ndieni se nuk mund të jeni plotësisht vetvetja me të.

Psikologu Antonio Borrello tha se fshehja e ndjenjave mund të ndodhë sepse nuk ka besim. Gjithashtu është e mundur që dikush është duke bërë gjëra që nuk janë në përputhje me idealet e tyre si çift, kështu që ata i fshehin detajet. Nëse është kështu, atëherë marrëdhënia nuk ka një themel të fortë.

Nuk ka zënka por as komunikim

Ju besoni se jeni në një marrëdhënie të lumtur, pa stres, sepse nuk ziheni. Por ajo që mund të mos e kuptoni është se zënka është një formë komunikimi. Ndodh kur çiftet po përpiqen të arrijnë një kompromis së bashku.

Çiftet që nuk zihen nuk po komunikojnë ndjenjat e tyre. Është një shenjë që ata nuk duan të zgjidhin konfliktet e tyre, gjë që mund të sinjalizojë fundin e një marrëdhënieje.

Nuk ju pëlqejnë miqtë e partnerit tuaj

Shoqëria që mbani ju përcakton se kush jeni. Njerëzit zakonisht tërhiqen të krijojnë miqësi me njerëz që pëlqejnë të njëjtat gjëra ose që kanë të njëjtat cilësi. Pra, nëse nuk i pëlqeni miqtë e tij, kjo mund të jetë një nga shenjat e ndarjes sepse ajo marrëdhënie nuk do të zgjasë.

Pse? Ju ka të ngjarë të zbuloni më shumë gjëra për të që mund të mos ju pëlqejnë gjithashtu. Mos harroni, miqtë reflektojnë atë se kush jeni.

Ju keni zhvilluar interesa të ngjashme por nuk keni ndjekur të tjera

Partnerët që duan të bëjnë gjëra të ngjashme në mënyrë ideale jetojnë të lumtur së bashku, apo jo? Kur dy njerëz pëlqejnë të njëjtën gjë, supozohet të jetë pozitive, ose të paktën kështu mendojnë të gjithë. Por ekspertja e marrëdhënieve Erika Boissiere i tha Bustle se kjo nuk është gjithmonë një gjë e mirë.

Nëse keni bërë të njëjtat gjëra së bashku dhe keni ndaluar së ndjekuri interesat tuaja të ndara dhe unike, atëherë mund të përfundoni me një marrëdhënie të prishur. Kjo nënkupton shumë varësi nga partneri juaj, i cili nuk do t’ju lejojë të rriteni dhe të evoluoni në personin tuaj.

Nuk kanë aspak ndjeshmëri

Ajo pati një zënkë të madhe me shoqen e saj më të mirë, por nuk mund ta kuptoni pse është kaq e dëshpëruar për këtë. Kështu që, ju bëheni mospërfillës të ndjenjave të saj. Por mungesa e ndjeshmërisë për atë që po kalon partneri juaj është një tjetër shenjë se marrëdhënia nuk do të zgjasë.

Nëse jeni akorduar me njëri-tjetrin, duhet të jeni në gjendje të kuptoni dhe imagjinoni luftën e njëri-tjetrit pasi që ndjeshmëria është gjithashtu një formë e lidhjes. Nëse kjo ndjenjë nuk ekziston, ju jeni në një marrëdhënie e cila do të përfundojë.

Nuk merrni vendime në marrëdhënie

Kush zgjedh gjithmonë se ku hani ose çfarë filmash shikoni? Në fillim, duke e lënë atë gjithmonë të zgjedhë vendet mund të duket mirë. Por zgjedhjet e vogla kanë rëndësi për marrëdhënien tuaj nëse jeni duke u përpjekur ta bëni atë të zgjasë për një kohë të gjatë.

Nëse partneri juaj vazhdimisht i hedh poshtë zgjedhjet tuaja, kjo është një shenjë që mendimi juaj nuk vlerësohet. Kjo mund të dëmtojë lidhjen tuaj me njëri-tjetrin.

Nuk ka marrje dhe dhënie

Në të njëjtën mënyrë sikur i jepni vlerë zgjedhjeve tuaja, sa shpesh bëni kompromis? Kush është gjithmonë i pari që kërkon falje kur ke një keqkuptim?

Romanca mund të digjet shpejt nëse nuk ka dhënie dhe marrje. Nëse keni sakrifikuar nevojat tuaja thjesht për të “bërë kompromis”, atëherë do të lodheni dhe do të rraskapiteni shpejt. Marrëdhënia do të marrë shpejt fund sepse tashmë është një marrëdhënie e prishur.

Partneri juaj nuk i trajton mirë të tjerët

Njerëzit gjithmonë tregojnë anën më të mirë në fillim të marrëdhënieve, por gjithmonë duhet t’i kushtoni vëmendje sjelljes së partnerit tuaj ndaj njerëzve të tjerë. Për shembull, si i trajton ai kamerierët? Si vepron ai ndaj prindërve ose bashkëpunëtorëve të tij?

Nëse do të jeni në një marrëdhënie afatgjatë me këtë person, do të keni ulje dhe ngritje. Dhe kur dashuria dhe pasioni nuk janë më aty, si do të sillet ai me ju? Marrëdhënia juaj mund të mos e ketë shumë të gjatë nëse është në këtë mënyrë.

Ju ndjeheni të detyruar të jeni me partnerin tuaj

Nëse të dilni për takime ndihet si një detyrim, konsiderojeni këtë një shenjë të sigurt se marrëdhënia nuk do të zgjasë. Kur nuk keni energji dhe entuziazëm të jeni me të, përveçse mendoni se është detyra juaj, mbase është koha t’u paraprini dhe t’u jepni fund gjërave për mirë.

Ka shumë shenja të një marrëdhënie jo të shëndetshme që shumica e njerëzve nuk i kuptojnë, por këta sinjale të kuq mund të shpërbëhen nëse diskutoni çështjet tuaja me njëri-tjetrin. Nëse partneri juaj është i gatshëm të flasë dhe të rregullojë problemet, atëherë keni një rreze shprese se ju të dy mund të shkoni mirë së bashku.