Me kaq shumë gjëra që kalojmë çdo ditë, Steve Jobs na kthen në rëndësinë e përqëndrimit me një thënie profetike.

Në ritmin e furishëm të jetës kur përpiqemi të bëjmë gjithnjë e më shumë gjëra, mezi mendojmë për rëndësinë e fokusimit.

Kjo është arsyeja pse, për ata mendimtarë të lirë, krijues dhe sipërmarrës që ndjekin ëndrrat e tyre, ky citim profetik nga Steve Jobs 21 vjet më parë godet në shenjë edhe më shumë sot.

Ja se çfarë tha ai në një konferencë për zhvilluesit e Apple Worldwide në vitin 1997:

“Njerëzit mendojnë se të përqëndrohesh, të fokusohesh do të thotë t’u thuash po atyre gjërave në të cilat duhet të përqendrohesh. Por ky nuk është aspak kuptimi i përqëndrimit.

Të fokusohesh do të thotë t’u thuash jo qindra ideve të tjera të mira që ekzistojnë. Ju duhet të zgjidhni me kujdes. Unë jam në fakt po aq krenar për gjërat që nuk i kam bërë ashtu si për gjërat që kam bërë. Inovacioni do të thotë t’u thuash jo 1.000 gjërave.”

Pa fokus, aftësia juaj për të menduar, për të arsyetuar, për të komunikuar, për të zgjidhur problemin dhe për të marrë vendime natyrisht që do të vuajë. Ju thjesht nuk mund të maksimizoni efikasitetin tuaj ose të jeni të shpejtë nëse mendja juaj po endet në një tokë shumëdimensionale.

Meqë ra fjala…

Çelësi për një përqëndrim më të mirë: Mos bëni shumë punë njëherësh!

“Karakteristika e përbashkët e njerëzve që kanë pasur më shumë kohë dhe të ardhura më të larta është aftësia për t’u fokusuar në vetëm një punë.” – Tim Ferriss, New New Internet Speaking

Mendoni se çfarë mund të dëgjonim, mësonim dhe ndanim nëse do të ishim 100 për qind të pranishëm në një bisedë. Realiteti është se ne gjatë gjithë kohës bëjmë shumë gjëra njëherësh.

Ju ndoshta jeni duke bërë shumë punë tani ndërsa lexoni këtë artikull. A keni muzikë në sfond ose në kufje? Një tjetër faqe interneti ose e-mail të hapur? Dikush tjetër që flet me ju? Diçka që gjithmonë lyp vëmendjen tonë.

Sikur të përqëndroheshim në vetëm një gjë, një problem biznesi, një detyrë, një bisedë ne do të jemi më të fokusuar, adaptues dhe për këtë arsye vendimmarrës më të mirë. Dhe sa më mirë që të mund t’i zgjidhim problemet, aq më produktivë do të bëhemi.

Jobs thoshte se duhet t’u themi jo mijë gjërave. Ju mund të filloni duke ju thënë jo këtyre katër “hajdutëve” të përqëndrimit:

1. Thuaju jo shqetësimeve të mendjes!

Porosia juaj e parë më prioritare është që të shkëputeni nga “sendet”, gjërat e parëndësishme, detyra, emërime, takime, ngjarje shoqërore dhe aktivitete të tjera të pakthyeshme që mund t’i kryeni më vonë, t’i delegoni te të tjerët ose thjesht të mos shkoni fare.

Sa më pak mendja juaj të jetë e rrëmujshme, aq më të përqëndruar do të jeni.

2. Thuaju jo ndërprerjeve!

Teknologjia është një nga pengesat më të mëdha që nuk ju lejon të keni një fokus të mirë. Zhurmat e vazhdueshme nga njoftimet mund t’ju shpërqëndrojnë.

Çfarë humbisni duke mos u përfshirë në njoftimet e miqve në rrjetet sociale?

Një studim me një grup punonjësish zbuloi se nëse të gjitha ndërprerjet do të eliminoheshin, këta punonjës do të rimerrnin tre deri në pesë orë pune në ditë çdo ditë, e cila është e barabartë me 40-60 përqind të ditëve standarde të punës.

3. Thuaju jo grabitësve të kohës!

Kjo është mënyra e përsosur për të rimarrë kohën e vjedhur nga njerëzit me të cilët punoni, grabitësit e kohës që ju ndërpresin vazhdimisht.

Evitojini ato nga thjesht duke caktuar një bllok të caktuar kohor në kalendarin tuaj për t’iu kushtuar rreptësisht një detyre ose aktiviteti të rëndësishëm që kërkon më shumë fokus, energji dhe vëmendje të plotë.

4. Thuaji jo mosbesimin tënd!

Ndonjëherë e gjithë puna e një përqendrimi të vërtetë që do të linte një trashëgimi të vërtetë zbret në një “gjendje” të besimit tek vetja.

Për ato qëllime të mëdha, ju do të duhet të qëndroni pozitivë për udhëtimin që ju pret përpara dhe të shikoni progresin që keni bërë tashmë.

Vendosni kufinj, përcaktoni kohën tuaj dhe përqendrohuni duke menduar pozitivisht dhe duke i ndarë qëllimet me të tjerët, në mënyrë që ata të mund t’ju mbushin me gëzim dhe t’ju ndihmojnë që të mbeteni të fokusuar.