Në jetën time dua njerëz që shtojnë, jo që pakësojnë…

©shutterstock

Të rrethosh veten me njerëz që frymëzojnë energji pozitive dhe na ndihmojnë të ndërtojmë jetën tonë është thelbësore.

Kontakti me njerëzit “toksikë”, pavarësisht nga lidhja që ekziston, mund të ndryshojë gjendjen tonë emocionale. Ne do të reflektojmë mbi këtë më poshtë.

Mos lejoni që thelbi juaj të humbasë. Mundohuni të mos e humbni veten mes njerëzve, pasi ne gjithnjë e më shumë i injorojmë ata që na rrethojnë. Mos rrini zgjuar dhe mos e negocioni thelbin tuaj edhe nëse ju mundon ajo që po jetoni. Mos e ndryshoni apo transformoni veten, ajo që po ndodh është një bekim, është një mësim i mirë, që do të të ndihmojë shumë më vonë.

Zemra juaj është e bukur kështu, mos lejoni që njerëzit t’ju zbresin apo ndajnë jetën tuaj. Duajeni brendësinë tuaj dhe bëhuni më e mirë çdo ditë, por mos e lejoni veten të humbni thelbin tuaj. Nëse ai zhduket, do të jeni thjesht dikush tjetër dhe ata që ju duan dhe ju vlerësojnë nuk do t’ju dallojnë dot, madje as veten tënde nuk do ta njohësh.

Mos harroni se ajo që ju bën të qani ju bën po aq të veçantë sa ajo që ju bën të qeshni. Të kuptuarit e kësaj përbën një çlirim në vetvete. Mbuloni thelbin tuaj, mos lejoni që rrethanat ta bëjnë copë-copë, mbrojeni nga i ftohti.

Dhimbja që shkaktohet nga ai apo ajo që na shpërfill ndonjëherë është e padurueshme.

Askush nuk dëshiron të ketë në krah njerëz që pengojnë ose bojkotojnë rritjen e tyre personale. Të gjithë duam pranë nesh njerëz që na ndihmojnë të shtojmë përvoja dhe ndjenja të mira.

Sidoqoftë, në përgjithësi jo gjithçka është e zezë apo e bardhë. Do të ketë momente në të cilat dikush do të zvogëlojë në një farë mase mirëqenien tonë, por ama edhe të tjerë të cilët shtojnë aq shumë sa të kompensojnë të gjithë ata më sipër.

Është si Yin dhe Yang, trishtim dhe gëzim, natë dhe ditë. Sukseset kërkojnë gabime në të njëjtën mënyrë ashtu siç shtimi do të ishte i pakuptimtë nëse nuk do të kishte asgjë për të pakësuar. Kështu jemi ne njerëzit, herë të bardhë, herë të zinj dhe herë të tjera me ngjyrë.

Askush nuk është plotësisht i mirë apo krejtësisht i keq

Edhe duke e ditur se nuk mund të jemi gjithçka ose asgjë, nuk mund ta ekspozojmë mirëqenien tonë, duhet ta mbrojmë atë nga dëmtimet që mund të parandalohen dhe të parashikohen.

Për këtë zakonisht kemi një lloj peshore emocionale. Në njërën anë vendosim gjithçka të gjeneruar nga të tjerët që është negative dhe që ka mbetur. Në anën tjetër vendosim të mirat dhe pozitivet që mund të gjejmë në rrugën tonë.

Natyrisht, ne duhet të peshojmë emocionalisht secilin person veç e veç, duke marrë gjithmonë parasysh situatën fizike dhe emocionale të personave të prekur, si dhe, natyrisht, kontekstin.

Është e qartë se nuk është e lehtë të përdorim bilancin tonë, pasi ka qindra faktorë që nuk mund t’i kontrollojmë dhe që janë totalisht subjektiv. Pra… pse e gjykojmë kaq lehtë të mirën apo të keqen?

“Nuk ka asgjë më të mirë se të rizbulosh veten dhe të falësh tjetrin, qofshin të drejtë apo të gabuar, sepse njerëzit, kur bëjnë gjëra të dhimbshme, zakonisht i bëjnë sepse në atë moment nuk mund të bënin më mirë, sepse kishin frikë apo çfarëdo…Kështu që të falësh është një gjë e mrekullueshme” – Marvan

Bëhu njeri i drejtë, mos e humb thelbin

Ndonjëherë të zhyturit në dhimbje të thella na zhyt në kënetën e paragjykimeve dhe klisheve. Kur kjo ndodh, ne zakonisht jemi të verbuar nga dhimbja e plagëve tona dhe jo nga mirësia që na karakterizon në rrethana të tjera.

Nëpërmjet faljes dhe mirëkuptimit ne mund të bëjmë këdo që të shtojë edhe duke u nisur nga veprimet apo fjalët e tyre të këqija. Ne jemi ata që vërtetojmë të tjerët, prandaj jemi ne ata që zgjedhim se në çfarë mënyre duam të mësojmë.

Të qenit të vetëdijshëm se ne shpesh gjykojmë me shumë ngut, do të na ndihmojë të eliminojmë gjërat vërtet të dëmshme dhe negative nga jeta jonë. Duke e menduar kështu, në planin afatgjatë nuk do të pendohemi kurrë që jemi njerëz të qëndrueshëm dhe të drejtë.

Mos i etiketoni apo gjykoni të tjerët, falni dhe merrni veprimet e tyre të këqija si një mundësi për të vazhduar rritjen dhe mësimin. Thelbi juaj do të jetë mbrojtja më e mirë dhe, sikur të mos mjaftonte, do ta keni gjithmonë në majë të gishtave.