Në vitin 2019, nuk do të lejoj njerëz toksikë pranë meje!

Nuk do të ndihem fajtore aspak – nuk do t’u përgjigjem thirrjeve dhe mesazheve ose të dal me persona që më kanë lënduar. Unë nuk kam më nevojë për toksicitetin e tyre në jetën time, sepse e kam tejkaluar sjelljen e tyre të papjekur.

Largimi nga njerëzit, vendet apo situatat që nuk më shërbejnë nuk më bën fëminore. Kjo më bën të fortë. Dhe nëse ata nuk e kuptojnë atë, atëherë është problemi i tyre, ama unë nuk do ta rrezikoj më lumturinë dhe paqen e brendshme.

Në vitin 2019, unë do të investoj përpjekje vetëm në gjërat që kanë rëndësi!

Nuk do ta harxhoj energjinë time duke u shqetësuar për ata që nuk duan t’ia dinë për mua. E kam vendosur. Unë nuk do të humbas energjitë e mia me gjëra dhe njerëz të parëndësishëm.

Në vend të kësaj, unë do të ndjek pasionin që digjet brenda meje. Unë do të përqendrohem tek vetja. Unë do të vendos objektivat e reja dhe do të përqendrohem tek ato, duke harruar çdo gjë tjetër.

Kuptova se koha ime është e çmuar dhe vitet po kalojnë shpejt, kështu që nuk do ta marr pjesën tjetër të kohës time këtu në Tokë për të mirëqenë.

Në vitin 2019, do të kujdesem më shumë për shëndetin tim mendor!

Unë do të marr një ditë pushim nga puna nëse do të filloj të përjetoj ankth. Ankthi është një gjendje dhe unë do ta trajtoj atë në përputhje me rrethanat.

Unë do të marr frymë thellë në vend të disa gotave alkool. Kur të kem dhimbje dhe të ndihem e përhumbur, do të shkoj në terapi. Unë nuk do të lejoj që emocionet e mia të shtypen brenda meje.

Në vitin 2019, unë do ta përmirësoj marrëdhënien me veten time!

Do të ndaloj së dëshiruari sikur të dukesha ndryshe. Do të ndaloj së menduari se nuk jam mjaftueshëm e mirë, mjaftueshëm e bukur, jo edhe aq e zgjuar…

Unë do të jem më e butë me veten time. Unë do të jem më e dashur dhe më e sjellshme me veten time. Sepse në fund të ditës, vetëm veten kam. Dhe ne jemi të gjithë jemi të bukur dhe të jashtëzakonshëm ashtu siç jemi.

Në vitin 2019, unë do të ndaloj së hidhëruari për ata njerëz që nuk e shohin vlerën time dhe do të tregoj më shumë mirënjohje dhe vlerësim për njerëzit që me të vërtetë më vlerësojnë.

Në vend që të dua diçka që nuk mund ta bëj, do të filloj të jem mirënjohëse për të gjitha gjërat e mrekullueshme dhe njerëzit që kam në jetën time.

Në vitin 2019, nuk do të mbërthehem në një vend!

Unë nuk do të kënaqem me gjëra mesatare. Unë do të rrezikoj! Do ta bëj zemrën gur dhe do të përqafoj të panjohurën, sepse gjërat më të frikshme zakonisht janë gjërat që na sjellin kënaqësi më të madhe në fund.

Kjo është arsyeja pse unë nuk do të pengoj më veten. Unë do t’i largoj të gjitha frikërat dhe shqetësimet e mia, sepse në vitin 2019, do të shijoj çdo moment të vetëm.

Dhe unë ia premtoj vetes time se ky do të jetë një vit i paharrueshëm.