“Është më mirë të akumulosh pak nga pak sesa të kapësh qiellin dhe të përfundosh me…”/ Thëniet më të Bukura Vikinge

©Wikimedia Commons

Për sot, një koleksion me brilantët më të ndritshëm të mençurisë vikinge, e kemi përgatitur për kënaqësinë e lexuesve tanë.

Presim të na thoni cila ju duket më e qëlluar ndër to, apo që vërtetë ia vlen ta ruajmë diku që të mos e harrojmë por t’ia kujtojmë vetes sa më shpesh.

Është më mirë të akumulosh pak nga pak sesa të kapësh qiellin dhe të përfundosh me hundë përtokë.

Qëndroni të vetëdijshëm për rrethanat tuaja. Tymi shpesh do të thotë zjarr.

Është më mirë të kesh një pozitë më të ulët në jetë dhe të jesh i lirë sesa të kesh një pozicion pushteti vetëm për t’iu nënshtruar vullnetit të tjetrit.

Barnat e shtrenjta janë gjithmonë të mira. Në qoftë se jo për të sëmurin, së paku për farmacistin.

Mos lejoni që epshi të mbizotërojë moralin tuaj.

Qëndroni besnik ndaj njerëzve që i keni më të dashur.

Mos kafshoni më shumë sesa mund të përtypni. (Të heqësh dorë mund të jetë më e turpshme sesa të mos fillosh fare. Jini realistë në përpjekjet tuaja.)

Bukuria – deri në martesë, mendja – deri në vdekje.

Askush nuk është totalisht budalla nëse di kur ta mbajë gjuhën.

Jo çdo re që errëson ditën sjell shi.

E vërteta është e drejtë por janë të shtrembër gjykatësit.

Asgjë e mirë nuk mund t’u ndodhë njerëzve që thyejnë zotimet e tyre solemne.

Është një zakon i vjetër që më i mençuri të tregojë rrugën.

Edhe gruan më të mirë e prish liria e tepërt.

Gjumashi dhe dembeli janë vëllezër.

Shpesh do të keni keqardhje pse thatë shumë, dhe rrallëherë keqardhje se thatë shumë pak.

Veprimet e një personi shpesh janë më të këqija se qëllimet e tyre.

Kokëfortësia sjell ose turpërim më të madh ose nder më të madh.

I  urti thotë: “po kërkoj të vërtetën”, budallai thotë: “e kam gjetur unë‘.

Një person nuk duhet të pajtohet sot me atë që do të pendohet nesër.

Ari është pak ngushëllim për të afërmin e vdekur.

Veprat e mira dhe veprat këqijat shpesh qëndrojnë në hijen e njëra-tjetrës.

Kur kujtesa shkon për të bërë dru, kthehet në shtëpi me barrën që do.

Kushdo që fyen një tjetër më të fuqishëm, vështirë se mund të presë që të veshë më shumë këmisha të reja.

Mëkati i burrit ndalet te pragu i shtëpisë, mëkati i gruas, kur hyn në shtëpi.

Gjithçka që i duhet një populli për t’u ngritur kundër tiranisë është një lider aq i guximshëm që të ngrihet i pari.

Ajo që ka një fillim të keq, ka të ngjarë të ketë një fund të keq.

Në detin e gënjeshtrave mund të zësh vetëm peshq të ngordhur.

Shpesh rastis që ajo që u ndodh shumicës së të tjerëve do t’ju ndodhë juve.

Ka ngushëllim më të madh se paratë.

Fjala ecën, edhe ku goja qëndron e pa lëvizur.

I ngadalshëm dhe i sigurt.

Lërini plagët e tjetrit të jenë paralajmërimi juaj.

Mos pështyj në pus, mund të kesh nevojë të pish.

Trimëria është gjysma e fitores.

Nëse fjalët ikin nga buzët, ato udhëtojnë shumë.

Pasi vajza të jetë fejuar, gjen dhendurrë me shumicë.

Shpesh mund të ndodhë që të jetojnë më gjatë ata që vriten vetëm me fjalë.

Një njeriu duhet t’i bëjë planet e tij përpara se të hyjë në ndërmarrje të mëdha ose t’i nxisë të tjerët për to.

Budallai është i zënë me punët e të gjithëve, përveç të tijave.

Gjithkush ka një mik, madje edhe midis armiqve të tij.

Sikur të gjithë budallenjtë të vinin kapuçë të bardhë, do të dukeshin si tufë delesh.

Janë të pakta ato gjëra të cilave nuk mund t’u gjendet një zëvendësuese.

Pallati i mbretit është një vend i lehtë për të hyrë, por i vështirë për të dalë. (Mos lakmoni gjërat e huaja)