“Të vuash pa u ankuar është i vetmi mësim që duhet të marrim në këtë…”/ Thëniet më të Bukura të Van Gogh

©Wikimedia Commons

Vincent Willem van Gogh ishte një piktor holandez post-impresionist, i cili pas vdekjes u bë një nga figurat më të famshme dhe me ndikim në historinë e artit perëndimor.

Në një dekadë, ai krijoi rreth 2,100 vepra arti, duke përfshirë rreth 860 piktura vaji, shumica e të cilave datojnë nga dy vitet e fundit të jetës së tij.

Për kënaqësinë e lexuesve tanë ne kemi sjellë një koleksion të brilantëve më të ndritshëm të kësaj mendjeje unike që njohu bota.

Të vuash pa u ankuar është i vetmi mësim që duhet të marrim në këtë jetë.

Peshkatarët e dinë që deti është i rrezikshëm dhe stuhia e tmerrshme, por ata kurrë nuk i kanë parë këto rreziqe si arsye të mjaftueshme për të qëndruar në breg.

Eshtë mirë të duash shumë gjëra, sepse aty qëndron forca e vërtetë, dhe kushdo që do shumë bën shumë, dhe mund të arrijë shumë, dhe ajo që bëhet në dashuri bëhet mirë.

Unë ëndërroj pikturën time dhe pikturoj ëndrrën time.

Jini të vetëdijshëm për yjet dhe pafundësinë në lartësi. Atëherë jeta duket pothuajse një magjepsje.

Nuk ka asgjë më artistike sesa të duash njerëzit.

Një zjarr i madh digjet brenda meje, por askush nuk ndalet për tu ngrohur në të, dhe kalimtarët shohin vetëm një shfryrje tymi.

Unë nuk di asgjë me siguri, por të shoh yjet më bën të ëndërroj.

Normaliteti është një rrugë e shtruar: është e rehatshme të ecësh, por asnjë lule nuk rritet në të.

Nëse dëgjon një zë brenda që thotë se nuk mund të pikturosh, atëherë me çdo kusht pikturo dhe ai zë do të heshtet.

Kam vënë zemrën dhe shpirtin tim në punën time dhe kam humbur mendjen në këtë proces.

Shpesh mendoj se nata është më e gjallë dhe më e ngjyrosur se dita.

Cila do të ishte jeta nëse nuk do të kishim guximin të provonim diçka?

Nëse një gjë ia vlen për më vonë atëherë ia vlen edhe për tani. Sepse gruri është grurë, edhe nëse njerëzit mendojnë se është një bar në fillim.

Jam duke kërkuar, po përpiqem, jam i përfshirë në të me gjithë zemrën time.

Arti shërben për të ngushëlluar ata që janë të thyer nga jeta.

Nëse e doni vërtet natyrën, do të gjeni bukuri kudo.

Unë përpiqem gjithnjë e më shumë të jem vetvetja, duke u kujdesur relativisht pak nëse njerëzit e miratojnë ose jo.

Gjërat e mëdha nuk bëhen nga impulsi, por nga një sërë bëmash të vogla të bashkuara.

Dua të prek njerëzit me artin tim. Unë dua që ata të thonë ‘ai ndihet thellë, ndihet butësisht’.

Unë jam gjithmonë duke bërë atë që nuk mund ta bëj akoma, në mënyrë që të mësoj se si ta bëj.

Është me leximin e librave njësoj si me shikimin e fotografive; duhet, pa dyshim, pa hezitim, me siguri, të admirosh atë që është e bukur.

Unë gjithmonë mendoj se mënyra më e mirë për të njohur Zotin është të duash shumë gjëra.

Zemra e një burri është shumë si deti, ai ka stuhitë e tij, ka baticat e tij dhe në thellësitë e tij ka edhe perlat e tij.

Fillimi është ndoshta më i vështirë se çdo gjë tjetër, por ki zemër, do të dalë mirë.

Është në të shikuarit të gjërave për një kohë të gjatë ajo që të pjek dhe të japin një kuptim më të thellë.