Ndjekësitë e faqes tonë e dinë tashmë se fundjava vjen bashkë me shumë të qeshura. U bë traditë tashmë.
Ne kemi përzgjedhur për ju këto pjesëza që do t’ju shkrijnë se qeshuri. Shijojini:
Fija e flokut
– Ç’do në pantalonat e tua kjo fije floku biond? – pyet gruaja.
– Me siguri, në tramvaj do më jetë ngjitur.
– Mos është nga… të sekretares tënde leshverdhë?
– Marrëzira, unë gjithmonë i heq pantallonat.
Shefi dhe Sekretarja
Shefi: Ju keni nisur të shtypni çdo ditë e më keq!
Sekretarja: Më falni shef, por… ngaqë nuk jam e bukur!…
Shefi: Ç’hyn bukuria këtu?
Sekretarja: Hyn, shef, hyn! Po të isha e bukur, ju nuk do të vinit re gabimet e mia..
Suzana
Suzana ndihet e lodhur dhe moskokëçarëse dhe i drejtohet mjekut. Ky e viziton dhe i thotë:
– Zonjë, ju duhet të punoni.
– O, doktor! Kjo është e tmerrshme! Ju më këshilloni të hyj në punë, kur unë lodhem kaq shumë…
– Zonjë, unë e di shumë mirë, që është më mirë të lodhesh nga puna, sesa nga të ndenjurit kot!…
Po këto?
Në kabinetin e punës së burrit, gruaja zbuloi disa shishe boshe.
– Po këto nga dolën?
– Edhe vetë habitem! Unë kurrë nuk blej shishe… boshe…
Si të vësh qetësi në vendin e punës…
Gratë e punës u grindën keqas. Shefi e humbi durimin dhe bërtiti:
– Pushoni! Le të flasë e para më e moshuara!
Në çast u vendos heshtje varri.
Si e kalove Vitin e Ri?
Kolegët takohen në punë pas festës së Vitit të Ri.
– Njatjeta, e dashur! Hë, si e kalove natën e Vitit të Ri?
– Oh, si gjithmonë, në shtrat…
– Ashtu?! Kishte shumë njerëz?…
Punonjësi dhe Laborantja
Punonjësi me përvojë dhe laborantja e bukur po bëjnë një eksperiment.
– Ju lutem përkuleni pak kokën mënjanë nga unë, – i thotë ajo me zë të ulët.
– Ashtu? Po përse? – i llastohet tjetri, duke iu afruar.
– Sepse drita nga tulla juaj më bie në sy…
Ah moj sekretare…
Ortaku më i ri, i dashuruar me sekretaren e bukur, bisedonte për një temë të lirë, kur papritur në zyrë hyn pronari:
– Atëherë, ku e lamë? – u bë serioz në fytyrë djaloshi.
Vajza nuk e vuri re, që hyri pronari.
– Ti po më flisje për të ardhmen tonë, i dashur, – u përgjigj ajo, – për shtëpinë tonë, për orët në dhomën e pritjes nën dritën e zjarrit dhe sa dëshirë ke t’ia thyesh turinjtë atij majmunit plak…
Mos, divani…
Drejtori i ri urdhëroi ta hiqnin divanin nga zyra e tij. Pas njëfarë kohe vjen me vrap sekretarja e trembur.
– Shef… çfarë, më pushuat?
– Nga e nxorët këtë?
– Atëherë, përse e hoqët divanin?…
Sekreti sesi t’i sjellësh në humor punonjësit
M’u pa, sikur vartësit e tu janë me shumë humor sot? Mos u ke rritur pagën?
– S’është punë page, – pranoi pa qejf shefi. – Sot në mëngjes erdhi këtu ime shoqe dhe ata mbetën shumë të kënaqur, që shefin e tyre e komandon dikush…
Detyra e sekretares
Sekretarja jote duket shumë punëtore dhe zellshme!
– Po, kjo është detyra e saj.
– Të jetë punëtore e zellshme?
– Jo, të duket ashtu…
