Të gjithëve pa përjashtim na pëlqejnë ato ngacmimet spontante që na shkrijnë së qeshuri, duke e ditur këtë, ne kemi përzgjedhur 10 pjesëza që edhe po të doni ju nuk do të mund të rrini dot pa qeshur!

Për kënaqësinë tuaj i kemi renditur mëposhtë, kërkesa jonë e vetme është që të na thoni cila ju pëlqeu më shumë, ose cila ju bëri të qeshnit më tepër?

Ora 2 pas mesnate

Ora dy e gjysmë pas mesnate. Vajza e vogël zgjohet dhe thërret mamin.

– Mami, më trego një përrallë.

– Prit edhe pak, zemër, së shpejti vjen babi dhe ne të dyja do të dëgjojmë përrallën e tij…

Ema

Ema, nëntë vjeçe, vajti mysafire te tetoja e saj dhe në mbrëmje nisi t’i tregojë çfarë i ndodhi një ditë më parë.

– Teto, dje isha te ditëlindja e Mirës. E dini, si më tha ajo: “Ema, paske ardhur e veshur me po atë fustan që kishe vitin e shkuar. Nuk të blen dot mami diçka të re?”

Teto Sofia i ledhatoi të mbesës kokën me flokë kokoritha dhe e pyeti:

– E dashur, ti me siguri, nuk qëndrove më tek ajo? Po të më kishin thënë mua në moshën tënde diçka të tillë unë menjëherë do të ikja…

– Teto, e di si është puna? Tani kanë ardhur kohë të tjera. Unë i dhashë një dackë të mirë dhe qëndrova…

I dashuri i ndrojtur

– Bija ime, – i drejtohet mamaja vajzës, – më duket pak i ndrojtur ai i dashuri yt…

– I ndrojtur? S’ka ku të vejë më i ndrojtur!

– Po sikur t’i japësh pak zemër? Disa meshkuj duhet t’i mësosh si të sillen me femrat. Ai më duket djalë i zgjuar.

– T’i jap zemër? – u xhindos vajza. – Ai nuk kupton edhe aluzionin më banal. Ja, dëgjo: Dje, në mbrëmje, kur ju me babin nuk ishit në shtëpi, unë u ula në divan, kurse ai vajti u zhyt në kolltukun përballë, sa më larg meje. Atëherë, e pyeta, nuk i duket e çuditshme që gjatësia e krahut të mashkullit dhe përmasa e belit të femrës janë të barabartë dhe… e di ç’bëri ai?

– Si, ç’bëri? Atë që do bënte çdo djalë me mend në vend të tij.

– Posi, posi! Më kërkoi t’i sillja një copë spango, për të matur krahun e tij dhe belin tim.

Do martohesh me mua

Vajza ishte shumë e pasur. Në mbrëmje, një djalosh i varfër, por shumë i ndershëm, u tregua veçanërisht i mirë me të.

– Sa e pasur je! – i tha ai me kureshti.

– Po, – pranoi çiltër vajza, – unë vlej një milion dollarë.

– Do martohesh me mua?

– Jo.

– E dija…

– Atëherë, përse më pyet?

– Desha të dija si e ndjen veten njeriu kur humbet një milion dollarë…

Babai dyshues

Bija ime, – vërejti babai, – a nuk të duket, se shoku yt ka filluar të qëndrojë pak vonë te ne? Nuk të ka thënë gjë nëna për këtë?

– Po, babi, – u përgjigj me ëmbëlsi vajza. – Ajo thotë se burrat nuk kanë ndryshuar fare.

Njohja e re

Vajza i tregon të atit për njohjen e saj të fundit.

– Babi, jam e sigurt, që do të të pëlqejë Çarli. Është djalë shumë i mirë.

– Ka ndonjë para mënjanë?

– O, babi, sa kureshtarë jeni ju burrat! Edhe Çarli këtë pyetje më bëri për ty…

Arritja e famës

Lila nuk po arrinte të kuptonte, përse qe bërë aq e njohur.

– Ndoshta nga flokët e mi të mrekullueshëm? – pyeti mikun e saj.

– Jo!

– Nga trupi elegant?

– Jo!

– Atëherë, ngaqë kam karakter të butë?

– Jo, jo!

– Po, mirë, u dorëzova!

– Hë! Tani i re pikës!

Djaloshi i ndrojtur

– Sa i ndrojtur je! –  i thotë me shpoti vajza bukuroshe djalit.

– Po, i ngjaj babait…

– Edhe babi kaq i mefshët ka qenë?

– Shumë. Mami thotë, se unë do të isha katër vite më i madh, sikur ai të mos ishte aq i ndrojtur.

E bija e bankierit

E bija e një bankieri të njohur erdhi në shtëpi me një djalë. Ata janë zënë për dore dhe buzëqeshin të ndrojtur. Bankieri largon tutje gazetën, vështron çiftin e ri dhe i thotë:

– Nëse doni të martoheni, me gjithë qejf. Ama, po deshët të merrni makinën time për të ma hedhur… harrojeni!

Vallëzimi

Bisedë gjatë vallëzimit:

Ai: – Unë i lexoj mendimet tuaja, sepse ju jeni si një libër i hapur.

Ajo: – Mirë, mirë, lexojini, vetëm boll e fërkuat kopertinën…

Fallxhorja

Një djalë i ri pyet fallxoren:

– Ju parathoni të ardhmen. Po të shkuarën e përcaktoni dot?

– Po, mundem.

– Atëherë, më zbuloni të shkuarën e gruas time të ardhshme!