Si t’jua shpërblej?

 – O doktor… demek ju mendoni, që u shërova? – pyet e gëzuar pacientja.

 – Po, shpirt, – u përgjigj psikiatri. – Them se kleptomania juaj tanimë është nën kontroll dhe ju jeni, si gjithë të tjerët.

 – I dashur doktor, ju detyrohem shumë, – nuk u përmbajt gruaja. – Nuk di, si t’jua shlyej ndihmën, që më dhatë.

– Asgjë të tepërt, e dashur… vetëm honorarin e zakonshëm, vetëm se… nëse sëmundja ju shfaqet sërish, mund të vidhni gjëkundi një iPhone të mirë për mua…

Po ti, e gënjen gruan?

– E gënjeni gruan tuaj? – pyet pacientin mjeku psikiatër.

– Pse, kë mund të gënjej tjetër? Ndonjë të huaj?

Moos…

Pacienti i qahet mjekut psikiatër:

– Doktor, kohët e fundit më shqetësojnë aftësitë e mia mendore.

 – Pse, si është puna? Çfarë shenjash vëreni?

 – Të frikshme: gjithçka, që thotë gruaja ime, më duket… e mençur!

Po ne folëm ndryshe?

Më vjen keq, zonjë, por jam i detyruar të kërkoj nga ju 50 franga, për dhëmbin, që i shkula pinjollit tuaj.

– 50 franga? Por ju më thatë, që kushton 10 franga…

 – Po, po… por djali juaj ulëriti aq, sa bëri të largohem nga dhoma e pritjes 40 pacientë…

“Muhabet” dentisti

Dy zonja presin radhën për te dentisti dhe llomotisin pa pushim. Te prekin njërën pas tjetrën, arritën te seksi.

– Asnjëherë nuk kam fjetur me tim shoq, para se të martoheshim, – thotë njëra. – Po ju?

 – S’e di, – përgjigjet tjetra. – Si e quajnë burrin tuaj?…

Unë nuk do hy…

Dentisti i thotë pacientes:

– S’është nevoja ta hapni gojën kaq shumë.

 – Po ju vetë më thatë, që duhet të futni pasqyrën, instrumentet…

 – Po, por vetë do të qëndroj jashtë!…

Doktor, si t’ia bëj me gjumin?

– Ç’të bëj që të më zërë gjumi?

– Provoni të pini një gotë me qumësht të ngrohtë dhe mollë të grirë pak para se të bini në shtrat.

 – Doktor, po ju vetëm para 6 muajve më thatë se duhet të bie për të fjetur me stomakun bosh!

 – E di, zonjë e nderuar, e di… por mjekësia ecën vazhdimisht përpara.

Po ç’të ndodhi?

– Ç’ka ndodhur? – e pyet mjeku pacienten.

– Po ja… ndeza makinën e llakimit të parketit dhe më zuri korenti.

 – Po këmbën përse e keni fashuar?

 – Sepse edhe unë nuk e lashë pa ja marrë hakun!…

 Gruaja e Nikolës

– E more vesh? Nikola u shtrua në spital.

 – Si, në spital? Unë dje e pashë në ballo. Kërcente dhe flirtonte me një bjonde…

 – Po, po! Por edhe e shoqja e kishte parë…

Asnjë rrudhë, ama…

Një bishtpërdredhur e moshuar u thotë shoqeve:

– Vajta te mjeku i kirurgjisë plastike. Shikoni, asnjë rrudhë s’më duket!

– Uaaa!.. E si e bëri këtë?

 – Thjesht, më tërhoqi lëkurën e fytyrës.

 – Dhe si ndihesh tani?

 – E ndjej lëkurën aq të tendosur, sa, po të më duhet t’i vesh çorapet e holla, më mjafton t’i ngre pak… vetullat.

A i mjafton thua!

Në kulmin e ditës tejet të ngarkuar, në kabinetin e mjekut veterinar, të zënë me punë të ngutshme, telefonoi një grua.

– Doktor, – i tha ajo, – kam vendosur të hap një pulari. Më thoni, ju lutem, për sa kohë duhet ta lëshoj gjelin te pulat?

– Një minutë! – u përgjigj doktori në telefonin tjetër.

– Shumë faleminderit!  – u përgjigj zonja dhe mbylli telefonin…